Нұр-Сұлтан маңында ит атып, құлағын тескен ер адам ұсталды

Нұр-Сұлтан маңында ит атып, құлағын тескен ер адам ұсталды, - деп хабарлайды "Хабар 24".

Телеарна мәліметінше, итке оқ атты деген күдікпен Қосшы ауылының 44 жастағы тұрғыны ұсталды. Полицейлер оқ атқан ер адамды видеобақылау камерасының көмегімен анықтаған.

"Ер адамнан қарда жүретін көлік, екі аңшы мылтығы мен патрон тәркіленді. Қосымша тексеріс жүргізіліп жатыр", - деді ведомстводағылар.

Еске салайық, 21 қаңтарда ауыл маңында жергілікті тұрғындар жараланған жануарды байқаған. Кейін ол кадрлар әлеуметтік желілерде тарады. Иттің жанында өлі күшік жатқан болатын.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!