Нұр-Сұлтан орталығында көлік өртенді

Нұр-Сұлтанда Мәңгілік Ел даңғылында автокөлік өртенді, - деп хабарлайды Tengrinews.kz тілшісі қалалық ТЖД-ға сілтеме жасап.

"Құрамында бес қызметкері мен бір техникасы бар өрт сөндіру бөлімшесі сағат 15.50-де Есіл ауданы, Мәңгілік Ел даңғылы, 18 мекенжайы бойынша шақыртуға шықты. Келген бойда Mazda маркалы көлігі тұрақта жанып жатқаны анықталды", - деп хабарлады ТЖД баспасөз қызметі өкілдері.

Құтқарушылардың мәліметінше, өрт 16.03-те жойылды. Қаза болғандар мен зардап шеккендер жоқ. Өрттің шығу себебі анықталып жатыр.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!