Нұр-Сұлтан орталығындағы ғимараттан 200 адам эвакуацияланды

Нұр-Сұлтан орталығындағы әкімшілік ғимараттан шыққан түтінге байланысты 200-ге жуық адам эвакуацияланды, - деп хабарлайды Tengrinews.kz тілшісі.

Елордалық ТЖД баспасөз қызметі мәліметіне сүйенсек, сағат 13.30-да Қабанбай батыр 17 мекенжайынан шұғыл шақырту түскен. 26 өртсөндіруші мен 5 арнайы техника оқиға болған жерге жіберілді.

"Өртсөндірушілер көлік тұрағындағы электр қалқанда сымдардың тұйықталуы салдарынан қою түтін шыққанын анықтады. Қаза болғандар мен зардап шеккендер жоқ. Өртсөндірушілер жеткенге дейін әкімшілік ғимараттан 200-ге жуық адам эвакуацияланды, сондай-ақ бір Audi көлігі қауіпсіз жерге шығарылды", - деп хабарлады ведомство өкілдері.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!