Нұр-Сұлтанда дәмхана өртенді

Нұр-Сұлтанның оң жағалауында орналасқан дәмхана өртенді. Онда тез дайындалатын тағамдар сатылады. Ақпаратты елордалық ТЖД өкілдері растады, - деп хабарлайды Tengrinews.kz тілшісі.

Өрт сөндіру бөлімшелері сағат 12.16-да Иманов көшесі 5/2а мекен-жайы бойынша шақыртуға барған.

"Өртсөндірушілер келген соң, Butchers Street кафесі өртеніп жатқанын анықтады. Өрт сағат 12.33-те оқшауланып, 12.41-де жойылды. Өрт аумағы 30 шаршы метр. Қаза болғандар мен зардап шеккендер жоқ", - деді ТЖД өкілі.

Әлеуметтік желілерде куәгерлер оқиға болған жерден түсірілген видеоларды жариялады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!