Нұр-Сұлтанда көпқабатты үйге кран кіріп кетті

Нұр-Сұлтанда "Көркем Tower" тұрғын үй кешеніндегі үйге автокран құлады, - деп хабарлайды Tengrinews.kz тілшісі.

Төтенше жағдай кадрлары әлеуметтік желілерде тарады. "Баламның үстіне құлап кетуге сәл қалды", - дейді видео авторы.  

Қалалық ТЖД мәліметінше, оқиға 28 сәуірде сағат 14.26-да Сығанақ, 2А мекенжайында болаған.

"Алтыншы қабаттағы пәтердің терезесіне автокран кіріп кеткен. Оқиға орнына Нұр-Сұлтан қаласының өнеркәсіптік қауіпсіздік комитеті департаментінің қызметкерлері жіберілді", - деді ведомство өкілдері.

Зардап шеккендер жоқ екені хабарланды. Оқиғаның мән-жайы анықталып жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!