Нұр-Сұлтанда күйеуі өртеп жіберген әйел қайтыс болды

Нұр-Сұлтанда күйеуі өртеп жіберген әйел қайтыс болды. Ақпаратты елордалық травматология және ортопедиялық ҒЗИ өкілдері растады, - деп хабарлайды Tengrinews.kz тілшісі. 

"Денесін 75 пайыз күйік шалған науқас 2019 жылы 10 қарашада 1:35-те қайтыс болды", - делінген институт баспасөз хабарламасында. 

Нұр-Сұлтан қалалық ПД мәліметінше, осы дерекке қатысты ҚР Қылмыстық кодексінің 99-бабы ("Адам өлтіру") бойынша іс қозғалған. Күдікті тергеу изоляторына қамалды. Полиция мәліметінше, 43 жастағы ер адам әйелінің үстіне бензин төгіп, өртеп жіберген.