Нұр-Сұлтанда тұрғын үй кешенінің қаптауы өртенді

Нұр-Сұлтандағы "Жанұя" ТК 8-қабатынан 15-қабатқа дейінгі аумақта керамогранит астындағы қаптау жанып кетті, - деп хабарлайды Tengrinews.kz тілшісі

ТЖД мәліметінше, өрт 6 ақпанда сағат 21.00-де болған. Оқиға орнынан түсірілген видео Instagram-дағы astana.times парақшасында жарияланды.

"Өрт сөндірушілер келген кезде 8-қабаттан 15-қабатқа дейін керамогранит астындағы қаптау жанғанын, сондай-ақ, 15-қабат балконында жалпы ауданы 23 шаршы метр құрылыс материалдары мен құрылыс қоқыстары жанып кеткені анықталды. Өрт сөндірушілер өртті сөндірді. Қаза болғандар мен зардап шеккендер жоқ. Өрттің шығу себебі анықталып жатыр", - делінген ведомство хабарламасында.

Сілтемесіз жаңалық оқисыз ба? Онда Telegram желісінде парақшамызға тіркеліңіз!