+7 (777) 001 44 99
Қазақша
Русский
English
26 наурыз 2019 15:38
Нұр-Сұлтандағы жол апаты: Қаза тапқандарға қатысты жаңа деректер шықты
Нұр-Сұлтанда болған жол апатынан екі адам қаза тапты. Автобус жүргізушісінің артында төрт баласы қалды, ал жолаушы келіншек отбасының жалғыз асыраушысы болған, - деп хабарлайды Tengrinews.kz тілшісі.
ПОДЕЛИТЬСЯ
Нұр-Сұлтанда болған жол апатынан екі адам қаза тапты. Автобус жүргізушісінің артында төрт баласы қалды, ал жолаушы келіншек отбасының жалғыз асыраушысы болған, - деп хабарлайды Tengrinews.kz тілшісі.
"Қаза болған Айзат Нұрекенова Қарағанды облысында тұрған. Денесін жеткізуге көмектесеміз. Ол отбасының жалғыз асыраушысы болған, артында кәмелетке толмаған баласы қалды", - деді брифинг барысында "Астана ЛРТ" басшысы Бекмырза Игенбердинов.
"Күшті соққының даусы естілді". Куәгерлер Нұр-Сұлтанда болған апат жайлы айтып берді
"Жүргізуші Оспанов Абай Амангелдіұлы. Оның үйіне барып қайттық, артында төрт баласы қалды", - деді Көлік және жол-көлік инфрақұрылымын дамыту басқармасы басшысының орынбасары Әлихан Қуатбеков.
"Астана ЛРТ" басшысының айтуынша, жүргізуші таңғы сағат 06.30-да медициналық тексерістен өткен. Денсаулығына қатысты ешқандай проблема болмаған. 2018 жылдың желтоқсанында жыл сайынғы медициналық тексерістен өткен.
Еске салайық, бүгін, 26 наурызда Қабанбай даңғылы мен Ұлы Дала көшесі қиылысқан тұста жол-көлік оқиғасы бодды. Онда үш автобус пен жеңіл автокөліктер соқтығысқан. Қала маңынан жүретін № 303 автобус №12 бағыттағы қоғамдық көлікті соққан. Кейінірек № 53 автобусқа және жедел жәрдем каретасына соқтығысқан.
Кейінірек қаза тапқандар жайлы ақпарат берілді. "Қазіргі жағдай бойынша 27 адам зардап шекті, екі адам қаза тапты. Олар - 66 жастағы автобус жүргізушісі және 26 жастағы жолаушы қыз", - деген еді елордалық әкімдік өкілдері.
Показать комментарии
Читайте также
