Нұр-Сұлтандағы тұрғын үй кешенінде ер адам токқа түсіп қалды

Нұр-Сұлтандағы тұрғын үй кешендерінің бірінде ер адамды ток соқты. Полиция тергеу жүргізіп жатыр, - деп хабарлайды Tengrinews.kz тілшісі.

Елордалық полицияның баспасөз қызметі мәліметінше, оқиға 7 тамызда болған.

"Полицияға елорданың 24 жастағы тұрғынын "Хайвилл Астана" тұрғын үй кешенінде домофон құрылғысынан ток соққаны туралы хабарлама түсті. Зардап шеккен адам ауруханаға жеткізілді", - делінген хабарламада.

Құқық қорғау органдары қылмыстық іс қозғап, тергеу жүргізіп жатыр.

"Астана - Что? Где? Когда?" Тelegram-арнасындағы мәлімет бойынша, ер адам есін жоғалтып ауруханаға түскен. Жәбірленуші курьер болып жұмыс істейді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!