+7 (777) 001 44 99
Қазақша
Русский
English
13 шілде 2023 | 09:46
"Олар байланысқа шықпайды, елемейді". Түркістандық ер адам жол апатына қатысты әкімдікке наразы
Түркістанда көлік иесі әкімдіктің жол-көлік оқиғасынан кейін келтірілген шығын үшін өтемақы төлегісі келмейтініне шағымданды, - деп хабарлайды Tengrinews.kz.
ПОДЕЛИТЬСЯ
Түркістанда көлік иесі әкімдіктің жол-көлік оқиғасынан кейін келтірілген шығын үшін өтемақы төлегісі келмейтініне шағымданды, - деп хабарлайды Tengrinews.kz.
30 жастағы ер адам жақында 2021 жылғы Hyundai Santa Fe автокөлігін сатып алған. Көлік барлық алыммен бірге 20 миллион теңгеге болған. Алайда бір аптадан кейін жүргізуші жол апатына ұшыраған. Оқиға 31 мамыр күні Жаңа қала ықшамауданындағы облыс әкімдігі ғимаратының дәл алдында болған.
"Мен 32-ші көшемен жүріп келе жатқанмын, ал Toyota Camry автокөлігі қарсы бағытта келе жатты, шыға берісте солға бұрылып, әкімдіктің тұрағына кірмек болды. Оның жүргізушісі мені өткізіп жібермей, алдымнан кесіп өтпек болды. Мен барынша жылдамдықты азайтуға тырысқаныммен, үлгермедім. Нәтижесінде мен ол көлікті соқтым. Соққыдан оның көлігі мен менікі айналып кетті", - деді жәбірленуші ер адам.
Жәбірленушінің айтуынша, "Тойота" автокөлігі Түркістан облысының мәдениет басқармасының балансында тұр. Көлік ішінде жүргізушіден басқа осы бөлімшенің басшысы да болған. Соққы артқы жолаушылар жағында болғандықтен бөлімше басшысы ауруханаға жеткізілді.
"Менің де сол қолымды күйік шалды. Бірақ оқиға орнында болдым. Себебі, Camry автокөлігінің жүргізушісі мені кінәлай бастады. Оның айтуынша, ол тұрған, ал мен келіп соққан екенмін. Бұған ашуланып кеттім. Содан кейін сараптамаға бардым. Көлікті айыппұл тұрағына алып кетті. Олар көлікте орнатылған DVR видеокамерасын көрді. Мен оны мүлдем білмедім. Оны орнатқалы бері бір аптадай болған еді. Сосын олардан флешкаға жазып беруді сұрадым. Кейін оқиғаны толық көрдік.
Бейнежазбаны полицияға көрсеткенімде, олар менің жолым болғанын айтты. Себебі "әкімдік алдындағы көшеде электр жарығы жоқ" деп, бақылау камераларының жазбаларын көрсете алмады", - деді жәбірленуші ер адам.
Ер адам осыдан кейін ғана Toyota автокөлігінің жүргізушісі өз кінәсін мойындап, сотта өз сөзін растағанын мәлімдеді. Сот шешімімен жол апатына кінәлі азаматқа 69 мың теңге айыппұл салынды. Алайда зардап шеккен жүргізуші өзінің Hyundai Santa Fe көлігі үшін қажетті мөлшерде өтемақы алмағанын айтты.
"Сақтандыру компаниясы маған шамамен 2 миллион теңге есептеп берді. Бірақ бұл менің көлігімді қалпына келтіруге жеткіліксіз екені сөзсіз, сондықтан мен тәуелсіз бағалау жасадым. Ол шығынды 5,2 миллион теңгеге бағалады. Оның 34 бөлігі зақымданған. Көлігім жаңа бар болғаны 13 мың шақырым ғана жүрген. Оны қалай қалпына келтіремін? Өзімнің ақшама ма?" - деп ашуланды жәбірленуші.
Ер адам жүргізушіге және Түркістан облысының мәдениет басқармасына сотқа дейінгі арыз жолдаған. Алайда ол әлі жауап алмаған.
"Олар байланысқа шықпайды, елемейді. Жоқ, автокөлікті қалпына келтіруі керек қой. Мен мұнда жәбірленушімін, материалдық және моральдық шығынға ұшырадым. Неліктен біз олардың артынан жүгіруіміз керек? Бұлар бізге үлгі көрсететін мемлекет қызметкерлері емес пе?", - деп наразылық білдірді жәбірленуші ер адам.
Осыған байланысты тілшіміз түсініктеме алу үшін облыстық полицияға жүгінді.
"31 мамырда күндіз қала көшелерінің бірінде Toyota Camry автокөлігінің жүргізушісі қарсы бетте келе жатқан көлікке жол бермей, Hyundai Santa Fe көлігімен соқтығысқан. Соның салдарынан жол-көлік оқиғасы болып, материалдық шығын келген.
"Тойота" автокөлігінің жүргізушісіне қатысты Қазақстан Республикасының қылмыстық кодексінің 610-бабының 1-бөлігі "Адамдардың денсаулығына, көлік құралдарының немесе өзге де мүліктің бұзылуына әкеп соққан жол қозғалысы ережелерін бұзу" бойынша әкімшілік хаттама толтырылды. Жиналған материалдар тиісті шешім қабылдау үшін сотқа жолданды. Сот шешімімен Toyota Camry жүргізушісі кінәлі деп танылып, оған әкімшілік айыппұл салынды", - деді облыстық полиция департаменті өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
