ОҚО-да аудандық ІІБ басшысының орынбасарына қатысты қылмыстық іс қозғалды

Оңтүстік Қазақстан облысында Созақ аудандық ІІБ басшысының орынбасары бірнеше қылмыс жасады деген күдікке ілінді, - деп хабарлайды Tengrinews.kz тілшісі.

ОҚО ІІД баспасөз қызметіндегілер Созақ аудандық ІІБ басшысының орынбасары Олжас Амандықовтың екі қылмысқа қатысы бар деген күдікке ілінгенін растады.

"Оған қатысты ҚР Қылмыстық кодексінің екі бабы бойынша сотқа дейінгі тергеу жүргізіліп жатыр. Өзіндік қауіпсіздік қызметіндегілер қызметтік тексеріс жүргізіп жатыр", - ОҚО ІІД ресми өкілі Салтанат Қаракөзова.

Осыған дейін әлеуметтік желілерде осы оқиғаның видеосы пайда болған еді. Видео авторларының айтуынша, жоғары қызметтегі шенеунік мас күйде бөтен біреудің үйіне басып кіріп, үй иесін ұрып-соқпақшы болған. Тіпті ер адамның әпкесіне пышақ салған. Бұл оқиғаның ОҚО Созақ ауданы Шолаққорған ауылында болғаны айтылады.