Оралда жанып жатқан көпқабатты үйден 30 адам құтқарылды

Оралда жанып жатқан көпқабатты үйден 30 адам құтқарылды. Олардың арасында 5 бала бар, - деп хабарлайды Tengrinews.kz тілшісі "Мой город" порталына сілтеме жасап.

Оқыс оқиға 19 қыркүйекте шамамен кешкі сағат 19.00-де болған. Дәулеткерей көшесіндегі көпқабатты үйден өрт шыққан. 

БҚО Төтенше жағдай департаменті баспасөз қызметінің мәліметінше, тұрғын үйдегі пәтерлердің бірінде жеке заттар мен жиһаз өртенген. Өрт 25 шаршы метр аумақты шарпыған.

"Үйден 30 адам қауіпсіз жерге шығарылды. Оның ішінде 5 бала да бар. 1 адам құтқарылды. Өрт толығымен кешкі сағат 19:50-де сөндірілді. Оқиға орнында 15 маман жұмыс істеді", - делінген хабарламада.

Қазақстан жаңалықтары. Соңғы жаңалықтар. Telegram желісінде бізге жазыл!