Орынбор облысында кеніште жарылыс болды

Орынбор Гай тау-кен байыту комбинатында жарылыс болып, үш адам қаза тапты, 88 адам құтқарылды, - деп хабарлайды Tengrinews.kz тілшісі РИА Новости порталына сілтеме жасап. 

"Алдын ала мәліметтер бойынша, бүгін шамамен 08.50-де (Нұр-Сұлтан уақытымен 09.50-де) тау-кен-жарылыс жұмыстарын жүргізу кезінде 1,2 шақырым тереңдікте жарылғыш зат штаттан тыс жарылып кеткен. 88 жұмысшы эвакуацияланды. Үш адам қаза тапты", - деп хабарлайды Орынбор облыстық прокуратурасы.

Облыс прокуроры Руслан Медведевтің тапсырмасы бойынша аймақ прокурорының бірінші орынбасары мен Гай ауданаралық прокуроры оқиға орнына шықты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!