Өскеменде 9 жастағы қызды экскаватор басып кетті

Өскеменде 9 жастағы қызды экскаватор басып кетті, - деп хабарлайды YK-avto.kz.

ШҚО ІІД баспасөз қызметінің мәліметінше, қайғылы оқиға кеше, 18 маусым күні кешке болған. Велосипедші қыз экскаватордың астына түсіп, алған жарақаттарынан сол жерде көз жұмды.

"Жол жөндеу жұмыстарына жұмылдырылған өскемендік ЖШС-ға тиесілі экскаватор артқа қарай жүріп келе жатып велосипедпен өтіп бара жатқан 9 жастағы қызды басып кетті. Зардап шеккен қыз оқиға орнында қайтыс болды", - дейді баспасөз қызметіндегілер.

Айта кетейік, экскаватордың 24 жастағы жүргізушісіне қатысты қылмыстық өндіріс қозғалды. Қазір құқыққорғаушылар жүргізуші кінәсінің дәрежесін анықтап жатыр.