Өскеменде жүргізуші әйел көлігімен 30 адам отырған кафеге соғылған

Шығыс Қазақстан облысында жүргізуші әйел адамдар отырған кафеге барып соғылған, - деп хабарлайды Tengrinews.kz тілшісі. 

Оқиға болған кезде кафеде 30 шақты адам отырған. Абырой болғанда, ешкім зардап шекпеген. Куәгерлердің айтуынша, Nissan Qashqai маркалы көлігі кафенің терезесіне келіп ұрылған. 

"Барлығы шошып кетті. Аяқ асты болды, гүрс ете қалды. Көлік кафенің бірінші қабатына келіп соғылған. Кафенің ішінде қызметкерлерді қосқанда 20-30 адамдай болды. Ешкім зардап шеккен жоқ. Рөлде әйел болды, ол шошынып қалған, біз де", - дейді "Искандер" кафесінде отырған адамдар. 

Қазір оқиға орнында полицейлер жұмыс істеп жатыр. Оқиғаның себебі мен мән-жайы анықталуда.