Өскемендегі зауытта болған жарылыс орнынан алғашқы кадрлар жарияланды

Қазіргі уақытта ТЖМ күштері оқиға орнында іздестіру-құтқару жұмыстарын жүргізіп, конструкцияларды бөлшектеумен айналысып жатыр.

ТЖМ мәліметінше, зауыттардың бірінің аумағында "шаң жинағыш құрылғы жарылып, артынан өрт шығып, нысан ішінара қираған".

Фото: ТЖМ баспасөз қызметі

Оқиға орнына құтқарушылар, кинологиялық есептер және ТЖМ Апаттар медицинасы орталығының дәрігерлері жұмылдырылған.

Кейінірек ТЖМ оқиға салдарынан төрт адам зардап шеккенін, олардың ауруханаға жеткізілгенін хабарлады. Сондай-ақ зардап шегуі мүмкін адамдарды іздестіру шаралары жүргізіліп жатыр.