Павлодар облысында жолаушылар автобусы аударылды

Павлодар облысы Екібастұз маңында жолаушылар отырған автобус аударылды. Жол-көлік оқиғасының видеосы әлеуметтік желіде тарады, - деп хабарлайды Tengrinews.kz тілшісі.

"Екібастұз маңында жұмысшыларды тасымалдайтын автобус аударылды. "Богатырь" көмір кенішінің түнгі ауысым жұмысшыларын алып келе жатқан. Абырой болғанда, ешкім зардап шеккен жоқ", - деп жазды видео авторы.

Павлодар облысы Полиция департаментінің баспасөз қызметіндегілер жол-көлік оқиғасы тіркелгенін хабарлады.

"Ешкім зардап шеккен жоқ. Жолаушыларға басқа автобус берілді", - деп атап өтті ведомстводағылар.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!