Павлодар облысында 2 жасар бала көрпеде тұншығып қайтыс болды

Павлодар облысында 2 жасар бала көрпеде тұншығып қайтыс болды, - деп хабарлайды Tengrinews.kz тілшісі Облыстық денсаулық сақтау басқармасының алдын ала мәліметіне сілтеме жасай отырып.

Оқиға Павлодар облысы Красноармейка ауылында болған. Өңірлік Денсаулық сақтау басқармасының баспасөз қызметінің мәліметінше, бала үйде қайтыс болған.

"13 маусымда сағат 17.05-те 2016 жылғы бала жайлы хабар келіп түсті. Сағат 17.15-те оқиға орнына барған медициналық қызметкерлер баланың қайтыс болғанын айтты", - деп хабарлады Облыстық денсаулық сақтау басқармасының баспасөз қызметінің өкілдері.

Сондай-ақ, ведомство өкілдері баланың өлімі жайлы хабардың бірден аудандық ІІБ-не хабарланғаны жайлы және оның денесінің сот-медициналық сараптамаға жіберілгенін айтты. Жедел қызметтегілердің мәліметінше, бала синтепоннан жасалған көрпеде болған, дәрігерлер келгенше көз жұмған.