+7 (777) 001 44 99
Қазақша
Русский
English
13 сәуір 2022 | 08:52
Павлодар полициясында ерекше оқиға тергеліп жатыр
Павлодарда қызметтік құжаттар Павлодар Полиция басқармасы дәретханасындағы қоқыс жәшігіне неге түсіп кеткені анықталып жатыр. Іс бойынша қызметтік тергеу басталды, - деп хабарлайды Tengrinews.kz тілшісі.
ПОДЕЛИТЬСЯ
Павлодарда қызметтік құжаттар Павлодар Полиция басқармасы дәретханасындағы қоқыс жәшігіне неге түсіп кеткені анықталып жатыр. Іс бойынша қызметтік тергеу басталды, - деп хабарлайды Tengrinews.kz тілшісі.
Facebook-те алматылық адвокат Назерке Ризабекова Павлодар ПБ бірінің дәретхана жәшігінен іс жүргізу құжаттарын тапқанын айтқан.
"Бірнеше ай бұрын Павлодар ПБ-дағы тергеуде болдым. Дәретханада ПБ қызметкерлерінің іс жүргізу құжаттарын пайдаланып жатқанын көрдім. Бұл - жабайылық. Жақсы, дәретхана қағазына қатысты мәселе бар делік, бірақ соталды тергеу туралы ақпарат жария етілгенін не істейміз? Дәретхана қоғамдық орын ғой", - дейді автор.
Жазбаға Ризабекова А4 форматты мыжылған парақтар салынған дәретхана жәшігінің суретін жүктеген. Онда адамдардың тегі, телефон нөмірлері, жоғалған кәмелетке толмаған баланың ата-анасының деректері айқын көрінеді. Жылу батареясында құжаттың тағы бір парағы бар. Бұл ретте дәретханада дәретхана қағазы жоқ.
"Павлодар облысының Полиция департаменті мен республиканың Ішкі істер министрлігінен осы ПБ-ын дәретхана қағазымен қамтамасыз етуді, осы құжаттардың авторларына қатысты қызметтік тергеу жүргізуді, соталды тергеу деректерін жария еткені үшін тәртіптік жауапкершілікке тартуды сұраймын", - деп жазды адвокат.
Павлодар облысының Полиция департаменті өкілі жазбаға жауап беріп, оқиға бойынша тергеу жүріп жатқанын айтты.
"Осы дерек бойынша қызметтік тергеу жүргізіліп жатыр. Нәтижелерін қосымша хабарлаймыз", - деді облыстың Бас полиция қызметкері Василий Скляр.
Ведомство фотода құпия құжаттар емес, қарапайым анықтамалар бар екенін атап өтті. Бірақ бұл жарамсыз қызметтік қағаздарды дәретханаға тастауға немесе оларды дәретхана қағазының орнына пайдалануға шешім қабылдағандарды ақтап ала алмайды. Барлық қажетсіз құжат жойылуы керек.
Қазір полиция дәретханаларда дәретхана қағазына қатысты мәселе болмауы керек. Мемлекеттік сатып алулар сайтының мәліметінше, биыл ақпанның аяғында облыстық Полиция департаменті әрқайсысында төрт орамнан 250 орама сатып алу бойынша конкурс өткізген.
Оның жылдық жалпы құны ширек миллион теңгеден сәл төмен болған. Мемлекеттік сатып алуды ұйымдастырушы облыстық ПД бастығының орынбасары Дамир Сиразидимов болған.
"Дәретхана қағазы қолдануға ыңғайлы әрі жұмсақ", - делінген техникалық сипаттамада. Осы порталда бұған дейін мемлекеттік сатып алулар 2020 жылғы мамыр мен шілдеге жоспарланғаны, бірақ екі конкурс өткізілмегені айтылады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
