Павлодар тұрғыны Instagram-да қаруды жарнамалаған

Павлодар облысының полицейлері Instagram-да қаруды "жарнамалаған" ер адамды анықтады, - деп хабарлайды Tengrinews.kz тілшісі.

ІІМ баспасөз қызметі мәліметінше, 2 маусымда әлеуметтік желілерді тексеру кезінде белгісіз ер адамның атыс қаруын "жарнамалап" отырған видеосы анықталған.

"Ұйымдасқан қылмысқа қарсы күрес басқармасының жедел қызметкерлері ер адамның жеке басын анықтады. Ол Павлодар қаласының бұрын сотталған 33 жастағы тұрғыны болып шықты, одан Стечкин пневматикалық тапаншасы тәркіленді. Сараптама тағайындалды, оның нәтижелері бойынша процессуалдық шешім қабылданады", - деді Павлодар облысы ПД бастығының орынбасары Болат Нұрсейітов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!