Павлодарда Kia көлігі 20 жастағы жігітті қағып кетті

Павлодар қаласындағы Ломов көшесінде жол-көлік оқиғасы болды, - деп хабарлайды "Павлодар жаңалықтары". 

Облыстық полиция департаменті баспасөз қызметінің мәліметінше, сағат 08.50-де Kia автокөлігінің жүргізушісі жаяу жүргіншілер жолында 1999 жылғы тұрғынды қағып кеткен. 

"Осы дерек тіркеліп, сараптама тағайындалды. Тексеріс жүргізіліп жатыр. Ер адамды жедел жәрдем алып кетті", - дейді ПД өкілдері.

Өңірлік денсаулық сақтау басқармасында жол апатынан зардап шеккен тұрғын № 1 қалалық ауруханаға жеткізілгенін және жағдайы орташа деңгейде екенін айтты.