+7 (777) 001 44 99
Қазақша
Русский
English
22 ақпан 2021 | 16:39
Петропавлда көпқабатты үйден шыққан өрттің себебі анықталды
ӨКҚ брифингінде Петропавлдағы көпқабатты үйден шыққан өрттің себебі аталды, - деп хабарлайды Tengrinews.kz тілшісі.
ПОДЕЛИТЬСЯ
ӨКҚ брифингінде Петропавлдағы көпқабатты үйден шыққан өрттің себебі аталды, - деп хабарлайды Tengrinews.kz тілшісі.
СҚО ТЖД басшысы Рамиль Камалов көпқабатты ғимараттан 7 газ баллоны, оның ішінде жарылған баллонның да шығарылғанын айтты. Өрттің шығуына да сол себеп болған. Сондай-ақ, ол тыйым салынғанына қарамастан баллондарды пайдаланған кафелерді атады. Газ баллондар үй тұрғындарының ас үйінде де болған. Бұрынғы жатақхана орталық газға қосылмаған.
"Жедел-тергеу тобы жұмыс жүргізіп жатыр. "Қаражорға" кафесінің ас үйінде газ баллоны жарылды. Ғимараттың бірінші қабатында кәсіпкерлер нысаны орналасқан. Жарылыс кезінде іргелес қабырғалар мен бөлімдер қираған. Бұл "Қаражорғаға" жақын орналасқан "Версаль" шаштаразы, екінші жағында "Хочу шашлык" кафесі. Қазіргі уақытта баллонның жарылу себебі анықталып жатыр", - дейді СҚО ТЖД бастығы.
Брифингте көптеген пәтер иесінің үйіде болмағаны, сондықтан өрт сөндіру үшін есіктерді бұзуға тура келгені хабарланды. Бұл өртті сөндіру жұмыстарын баяулатқан.
"Өртті сөндірудегі қиындық жарылыс кезінде өрттің бірінші және екінші қабатқа қарқынды таралуынан болды. Нысанның өзі бес қабатты, дәліздер үлгісінде салынған. Онда да тұрмыстық заттар тұрған. Сондықтан өрт күшейе түсті. Бөлмелерде де өрт шықты. Қатты түтін және аязды ауа райы өртті жылдам сөндіруге кедергі болды", - дейді СҚО ТЖД бастығы Рамиль Камалов.
Айта кетейік, бұрынғы жатақхана ғимаратында 21 ақпанда өрт шыққан еді. 120 адам эвакуацияланды, 2 адам қайтыс болды. Қазір тұрғындар университет жатақханасына орналастырылды. СҚО әкімінің айтуынша, пәтер иелері қаржылай көмек алады, ал үй бюджет есебінен қалпына келтіріледі.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
