Петропавлда студенттердің жаппай төбелесі видеоға түсіп қалды

Солтүстік Қазақстан облысының уәкілетті органдары студенттердің жаппай төбелесі түсірілген видеоны зерттеп жатыр, - деп хабарлайды Петропавловск.news.

Басылымның мәліметінше, бұл видео қала шетінде түсірілген. Видео кадрларынан 40-қа жуық жігіттің төбелесіп жатқаны көрінеді. Кейіннен біреуі айғайлап, барлығы жан-жаққа тарап кетеді.

М. Қозыбаев атындағы Солтүстік Қазақстан мемлекеттік университетінің өкілдері бұл деректі растады.

Ал облыстық Денсаулық сақтау басқармасының басшысы Тимур Сұлтанғазиев студенттердің медициналық көмекке жүгінбегенін айтты. Оның айтуынша, 10-ға жуық адамның зардап шеккені жайлы мәлімет шындыққа жанаспайды.