+7 (777) 001 44 99
Қазақша
Русский
English
09 маусым 2022 | 09:30
"Пластикалық ота қажет". Туыстары алабай талаған жеті жасар қыздың жағдайын айтты
Алабай шабуыл жасаған қызға пластикалық ота қажет. Полиция баланы тістеген алабайдың иесіне қатысты қылмыстық іс қозғаған. Қайғылы оқиға Алматы облысында болған еді. Иттер жеті жасар қызға шабуыл жасаған, - деп хабарлайды "КТК".
ПОДЕЛИТЬСЯ
Алабай шабуыл жасаған қызға пластикалық ота қажет. Полиция баланы тістеген алабайдың иесіне қатысты қылмыстық іс қозғаған. Қайғылы оқиға Алматы облысында болған еді. Иттер жеті жасар қызға шабуыл жасаған, - деп хабарлайды "КТК".
Туыстарының айтуынша, қызға медициналық әрі психологиялық көмек қажет.
"Екі алабай оны сүйреген. Барлық киімі қан жоса әрі жыртылған. Бала жылап келді. Ол сіңлісін қорғағысы келді. Қазір ол ауруханада жатыр, бетін көрсетуге ұялады. Сірә, енді ұзақ уақыт бойы далаға шығуға қорқатын шығар. Қыздар далада ойнап жүрген, көрші қақпадан екі үлкен ит шыққан. Алабайлар бірден балаға шауып, бетіне, қолдары мен аяқтарына жабысып, сүйреген. Біраз уақыттан кейін көршісі шығып, иттерді үйге кіргізуге тырысқан, бірақ олар қашып кеткен. Ол бүгін ауруханадан шығарылды. Жарақаттарын тігу қажет болды. Балаға пластикалық хирургия және психологиялық көмек қажет. Отбасы иттердің иелерінен жазалауды, қызды емдеуге және одан әрі оңалтуға ақы төлеуді талап етіп отыр", - дейді зардап шеккен қыздың жеңгесі Гүлжан Білманова.
Бұл жағдайға қатысты полицейлер де пікір білдірді.
"Осы дерек бойынша барлық қажет тергеу іс-шара жүргізіліп жатыр. Бала ауруханадан шыққаннан кейін жүргізілетін сараптамалар тағайындалды. Іс бойынша түпкілікті процессуалдық шешім сараптама нәтижелері бойынша қабылданады", - деді Алматы облысы ПД ресми өкілі Ернар Сәйділдин.
Еске салайық, бұған дейін Алматы облысында бүлдіршінге шабуыл жасаған алабайдың иесі жауапкершілікке тартылуы мүмкін екені хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
