"Полицейлер қару ұрлаған": Алматы ПД хабарламаға жауап берді

Алматы полициясы 2022 жылғы қаңтар оқиғасына қатысты іс бойынша тәркіленген қару-жарақтың жоғалғаны туралы ақпаратқа жауап берді, - деп хабарлайды Tengrinews.kz тілшісі.

Бұған дейін кейбір ақпарат көздері Алматы Полиция департаментінің қызметкерлері қаңтар оқиғасына қатысты істер бойынша бұрын тәркіленген 27-ден аса атыс қаруын ұрлағанын хабарлаған болатын. Сондай-ақ, полиция қызметкерлерінің бірі қашып кеткені және бұл дерек ҚР Қылмыстық кодексінің 362-бабы 4-бөлігі, 3-тармағы бойынша тіркелгені айтылған.

ПД тараған ақпарат шындыққа жанаспайды деп хабарлады.

"2022 жылғы қаңтар оқиғасы бойынша тәркіленген қару-жарақтың жоғалғаны туралы ақпарат шындыққа жанаспайды. Ведомствоның Жеке қауіпсіздік басқармасы тексеру барысында 2023 жылы қылмыстық істер бойынша тәркіленген қару-жарақтардың, сондай-ақ қару-жарақты халықтан сатып алу науқаны аясында тұрғындар тапсырған қарулардың жетіспеу дерегін анықтады. Қылмыстық іс қозғалды. Күдікті уақытша ұстау изоляторына жеткізілді", - деп хабарлады полицейлер.

Қазақстан Республикасы Қылмыстық-процестік кодексінің 201-бабы талаптарына сәйкес өзге де мәліметтер жарияланбайды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!