Қарағандыда қолында баласы бар ер адам жүргізушіні ұрып-соқты

Қарағандыда қолында баласы бар ер адам жүргізушіні ұрып-соқты - деп хабарлайды Nv.kz.

Жол апаты Республика алаңы мен Мұқанов көшесінің қиылысында болған. Видеожазбадан "Лада" жүргізушісінің жол ашық деп ойлап, Мұқанов көшесіне қарай солға бұрылып жатқаны көрінеді. Бірақ қарсы бағыттағы жолақ қазір жабық болып шығады. Жолақта екіжақты қозғалыс болғандықтан, ол жақтан Audi көлігі келе жатқан.

Жоғары жылдамдықпен келе жатқан Audi "Ладаның" оң жақ есігіне соғысқан. Содан көліктер әрең тоқтап, Audi көлігінен қолында баласы бар ер адам шыққан. Оның соңынан "Лада" жүргізушісі де шыққан. Содан қолына баланы ұстап тұрған жолаушы "Лада" жүргізушісін ұра бастаған. Оқиғаның басқа мән-жайы айтылмады.