Қарағандылық әйел сәбиінің өлімі үшін перзентханадан миллион теңге өндіріп алды

Қарағандылық әйел сәбиінің өлімі үшін перинаталдық орталықтан 1 миллиог 29 мың теңге өндіріп алды, - деп хабарлайды Tengrinews.kz тілшісі.

Қарағандының Қазыбек би аудандық № 2 сотының баспасөз қызметі әйелдің 2016 жылдың 29 желтоқсанында перинаталдық орталыққа "Жүктіліктің 41-аптасы. Жалған толғақтар. Ремиссия деңгейіндегі созылмалы пиелонефрит" деген диагнозбен түскенін хабарлайды. 2016 жылдың 30 желтоқсанында әйелге кесарь отасы жасалып, ұл бала дүниеге келген. Бірақ 2017 жылдың 3 қаңтарында сәби көз жұмады. Әйелдің айтуынша, сәби 36 сағат бойы сусыз кеңістікте болған.

"Сот талап етуші тараптың шағымын қанағаттандырып, моральдық шығын ретінде 1 000 000 теңге. ал материалдық шығын ретінде 29 000 теңге өндіру туралы шешім шығарды", - деліген соттың хабарламасында. 

Сот үкімі әлі заңды күшіне енген жоқ.