Қазақстан мен РФ арнайы қызметтері Ресейде Париж сценариі бойынша дайындалған терактілердің алдын алды

Қазақстан мен РФ арнайы қызметтері Ресейде Париж сценариі бойынша дайындалған терактілердің алдын алды, - деп хабарлайды РИА Новости. Бұл туралы бүгін Минск қаласында Ресейдің ФҚҚ директоры Александр Бортников мәлімдеді.

"2016 жылдың ақпанында Ресейдің Федералды қауіпсіздік қызметі Қазақстан Республикасының Ұлттық қауіпсіздік комитетімен бірігіп, Ресей Федерациясының ірі қалалрында Париж сценариі бойынша лаңкестік жасамақ болған қылмыстық топтың қызметін тоқтатты", - деді Бортников.

Оның айтуынша, теракт жасағаннан кейін орындаушылар Сирияға қашып кетіп, ДАИШ құрамына кірмек болған. Алайда оқиғаның мән-жайы айтылмай отыр.