Қазақстанда демалыс күндері 15 адам суға батып кеткен

Ауа райының күрт ысып кетуіне байланысты судағы қайғылы оқиғалар саны артқан. Өткен демалыс күндері еліміздің су айдындарында 15 адам қаза тапты, оның ішінде екеуі бала, - деп хабарлайды Елорда Инфо Төтенше жағдайлар комитетіне сілтеме жасап.

"12 адам суға түсуге жабдықталмаған жерде шомылған, 2-еуі балық аулау кезінде (киімде, жеке құтқару құралдарынсыз болған), тағы біреуі гидроциклде сырғанау кезінде қаза тапты", - дейді ведомствоның баспасөз қызметі. 

Тек осы демалыс күндері ТЖД бөлімшелері қайғылы жағдайлардың алдын алу мақсатында 452 топ құрған. Олар 563 рейд жүргізіп, 18 711 жаднама таратқан.