Қазақстандық әйел ресейлік полицейге шабуыл жасады деп айыпталып жатыр

Қазақстан азаматшасы РФ Түмен облысының Ішкі істер министрлігі бөлімінің тергеушісіне жұдырық ала жүгірген, - деп хабарлайды "Аргументы и факты".

Басылым мәліметі бойынша, Ресейдің Түмен облысында полиция қызметкеріне күш қолдану дерегіне байланысты қылмыстық іс қозғалған. 

"Қазақстан Республикасының 55 жастағы азаматшасы әкімшілік құқық бұзушылық үшін Қазан ауданы бойынша Ресейдің ІІМ бөлімшесіне жеткізілген. Бұл оқиға 2017 жылдың 10 сәуірінде болды", - деп хабарлайды БАҚ РФ-ның Түмен облысы бойынша тергеу комитетіне сілтеме жасап. 

Тыйым салынған заттары бар-жоғын тексеру кезінде күдікті полиция қызметкеріне күш қолданған. Қазақстан азаматшасы бірнеше рет билік өкілінің бетінен ұрған. 

РФ ҚК-нің 318-бабының 1-тармағы бойынша әйелге 200 мың рубль немесе айлық еңбекақысы көлемінде айыппұл салынды немесе бес жылға дейін мәжбүрлі еңбек жазасына кесіледі немесе бес жылға дейін бас бостандығынан айырылады. 

Қылмыстық іс бойынша тергеу жалғасып жатыр.