Қазақстанның бірқатар аймағында жолдар жабылды

Қазақстанның бірқатар аймағында көктайғақ пен нашар көруге байланысты жолдар жабылды. Батыс Қазақстан облысында жол қозғалысына барлық бағытта шектеу қойылса, Атырау облысында Ақтөбе - Атырау - РФ шекарасына дейінгі, сонымен қатар, Доссор - Құлсары - Бейнеу - Шетпе - Ақтау тас жолдары жабылды, - деп хабарлайды Тengrinews.kz тілшісі.

Жол козғалысы жолаушылар мен жүк көліктері үшін шектелді. Жергілікті билік жүргізушілерден қолайсыз ауа райы кезінде жолға шықпауды сұрап отыр. Сонымен қатар, аязға байланысты Көкшетау мектептерінде бірінші ауысымда оқитын балалар үшін сабақтар кейінге қалдырылды.