Қостанай облысында жол апатынан зардап шеккен әйел қайтыс болды

Қостанай облысында жол апатынан зардап шеккен әйел қайтыс болды. Жол-көлік оқиғасы дерегіне қатысты қылмыстық іс қозғалды. Бұл туралы Қостанай облыстық полиция департаменті баспасөз қызметінің өкілдері мәлімдеді, - деп хабарлайды "Алау". 

"30 сәуірде шамамен 16:00-де Әулиекөл ауылында 29 жастағы жігіт көлігімен 55 жастағы әйелді қағып кеткен. Әйел жарақат салдарынан ауруханада қайтыс болды", - деді баспасөз қызметінің өкілдері. 

Жүргізуші жедел жәрдемді күтіп, солармен бірге ауруханаға барған. Қазіргі уақытта ҚР Қылмыстық кодексінің 345-бабы бойынша сотқа дейінгі тергеу шаралары жүргізіліп жатыр. Жүргізуші сау болған.