Қостанайда электрсамокат мінген ер адамды автомобиль қағып кетті

Қостанайда электрсамокат мінген ер адамды автомобиль қағып кетті, - деп хабарлайды Alau.kz.

Бұл оқиға кеше, 21 тамызда шамамен сағат 18.00-де Маяковский көшесінде болған.

Жергілікті полиция департаментінің мәліметінше, 31 жастағы жүргізуші Audi көлігімен келе жатып, 30 жастағы ер адамды қағып кеткен.

"Ер адам электрсамокатпен келе жатқан. Жол апаты салдарынан ол қалалық ауруханаға жеткізілді. Осы дерек бойынша тергеу жүріп жатыр", - деп хабарлады полицейлер.