Қостанайда жол апатынан бір адам қаза тапты

Қостанай облысында жол көлік оқиғасы салдарынан бір адам қаза тапты, - деп хабарлайды Тengrinews.kz тілшісі облыстық ПД баспасөз қызметіне сілтеме жасап. 

"2019 жылы 27 қыркүйекте кешкі 18:20 шамасында "Қостанай - Әулиекөл - Сұрған" тасжолының 78-ші шақырымында 48 жастағы Volkswfgen Polo маркалы автокөліктің жүргізушісі жолдың қарсы бағытына өтіп кетіп, "ПАЗ" автобусымен соқтығысты. Жол апаты салдарынан неміс көлігінің жүргізушісі әр түрлі дене жарақатымен аурухананың жансақтау бөліміне жеткізілді, ал осы көліктің салонында болған жолаушы оқиға орнында қаза тапты", - делінген полиция хабарламасында. 

Осы дерекке қатысты сотқа дейінгі тергеу шаралары жүріп жатыр.