Қостанайдағы 18 жастағы қыздың өлімі: Полиция жүргізушілерден жауап алып жатыр

Полиция қызметкерлері 18 жастағы Дарья Махаратовны өлтірген қылмыскерді іздестіріп жатыр. Қостанай облысының Ішкі істер департаментінің баспасөз қызметінің хабарлауынша, тәжірбесі бар арнайы жедел-тергеу тобы ұйымдастырылған, - деп хабарлайды Tengrinews.kz тілшісі.

"Қылмыскерді анықтауға бағытталған тергеу шаралары жүргізіліп жатыр, сот сараптамалары тағайындалды. Полиция қызметкерлері видеобақылау камераларын тексеріп, өз нұсқасын алға тартып жатыр. Қостанай-Затобол жол бойында болған автокөлік жүргізушілерінен мән-жайды анықтап жатыр. Полицияның тіркеуінде тұрған күдіктілерді де қарастырып жатыр", - делінген релизде.

Арнайы жедел-тергеу тобын облыстық ІІД басшысы Бекет Аймағамбетов басқарды. Істің барысы толық бақылауға алынды.

Затобол ауылының 18 жастағы тұрғыны Дарья Махартованың жоғалған денесі 21 шілдеде Қостанай обылысының шетінде табылған болатын.

Полиция қызметкерлері осы қылмыс жайлы қандай да бір мәлімет білетіндерден мына нөмірлер бойынша хабарласуды сұрайды: 102, 52-60-21, 52-60-22, 52-60-54.