Қырғызстанда болған жер сілкінісі Тараз тұрғындарына сезілді

Tengrinews.kz мұрағатынан

Қырғызстанда болған жер сілкінісі Тараз тұрғындарына сезілді, - деп хабарлайды Tengrinews.kz тілшісі ҚР БҒМ Ғылым комитетінің Сейсмологиялық тәжірибе-әдістемелік экспедициясына сілтеме жасап.

Жер сілкінісінің 1 желтоқсанда Астана уақыты бойынша, 12.13-те тіркелгені хабарланып отыр. Магнитудасы 5,7-ге тең зілзаланың ошағы Қырғызстан аумағында, Алматыдан оңтүстік батысқа қарай 353 шақырым жерде болды.

Институт өкілдерінің мәліметінше, Таразда күші 3 балл болатын жер сілкінісі сезілген. Қаза тапқандар мен жарақат алғандар жайлы мәлімет жоқ.