Ресейде болған жол апатынан қазақстандықтар зардап шекті

Қазан-Оренбург-Ақбұлақ тас жолында екі көлік соғысып, үш қазақстандық зардап шекті, - деп хабарлайды ria56.ru басылымы. Сондай-ақ, Volkswagen Polo Mercedes-Benz көлігіне жол бермегені айтылады.

Жол-көлік оқиғасы Соль-Илецк қаласына барар жолда болған. Көліктер қатты бүлінген. Volkswagen көлігінің жүргізушісі жабық бассүйек ми зақымын алып, Соль-Илецк ауруханасының хирургиялық бөліміне жеткізілген. "Фольксваген" көлігіндегі екі жолаушы ішіне және бас миына заықм алып, жергілікті аурухананың хирургия бөліміне жеткізілді.

"Зардап шеккен азаматтардың барлығы Қазақстан Республикасының азаматтары болды", - деп хабарлады Оренбург облыстық ІІМ баспасөз қызметіндегілер. Жол апатына қатысты тексеру жұмыстары жүргізіліп жатыр. Оқиғаның себептері анықталып жатыр.