Рудныйда 13 жастағы бала төртінші күн іздестіріліп жатыр

Рудныйда 13 жастағы жасөспірім төртінші күн іздестіріліп жатыр, - деп хабарлайды "Алау". 

Облыстық полиция департаменті баспасөз қызметінің мәліметінше, Денис Матвеев 28 қарашада 7:50-да мектепке кетіп, оралмаған. 

Жасөспірімнің белгілері: еуропалық бет-әлпет, бойы - 150 сантиметр, орташа денелі, шашы ақ сары, қысқа, көздері сұр түсті. 

Сары-жасыл түсті бас киім, қоңыр күртке, қара шалбар, ақ жейде, қара түсті аяқ киім киген. Өзімен бірге қара түсті сөмке мен спорт формалары салынған қызғылт сары пакет болған. 

"Жасөспірімнің қазір қайда екені жайлы білсеңіздер, Рудный полиция басқармасына 3-31-27, 3-30-20, 87754359044 телефондары бойынша хабарлауды сұраймыз", - делінген хабарламада.