Сегіз вагон рельстен шығып кеткен - ІІМ ТЖК

Жамбыл облысында Шу станциясының маңында "Астана-Алматы" бағытындағы №9 пойызының 8 вагоны рельстен шығып кеткен. Бұл туралы ҚР ІІМ ТЖК ресми өкілі Руслан Иманқұлов хабарлады, - деп жазады Tengrinews.kz тілшісі.

"Нақтыланған мәлімет бойынша 8 вагон рельстен шығып кеткен, оның үшеуі аударылған", - деп хабарлады Иманқұлов. Оның айтуынша, жолаушылар осы бағыттағы пойыздармен Шу станциясына жеткізіліп жатыр.

Куәгерлер оқиға орнынан суреттер мен видеолар жолдап жатыр.

Еске салайық, бүгін, 17 маусымда сағат шамамен 14.00-де Жамбыл облысындағы Отар мен Шу станцияларының арасында төтенше жағдай болған еді. Мұның алдында үш вагонның рельстен шығып кеткені хабарланған. Оқиға салдарынан зардап шеккендер бар, бірақ олар туралы мәлімет әзірше жоқ.

Куәгерлер жолдаған суреттер