ШҚО-да қатты жел ондаған үйдің шатырын ұшырып әкетті

ШҚО-дағы Черемшанка, Быструшин және Малоубинский ауылдық округтері мен Быструха ауылында қатты жел үйлерді зақымдады, - деп хабарлайды Tengrinews.kz тілшісі "Устинка LIVE" сайтына сілтеме жасап.

Глубоковский ауданының әкімі Эльдар Тумашинов комиссиямен бірге апаттан зардап шеккен аудандарға барып, апатты жағдайда тұрған тұрғын үйлер мен әлеуметтік нысандар тексеріліп, қатты желдің салдарын жою жоспары жасалғаны айтылды.

"Аудандық бюджеттен әлеуметтік нысандарды жөндеуге қажетті қаражат бөлінеді", - деп хабарлады Глубоковский ауданының әкімдігі.

Зардап шеккендерге аудандық жұмыспен қамту және әлеуметтік бағдарламалар бөлімі арқылы материалдық көмек көрсетіледі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!