Шымкентте "Ақтөбе" мен "Ордабасы" жанкүйерлері жаппай төбелес шығарды

"Ордабасы" мен "Ақтөбе" футбол клубтарының жанкүйерлері жаппай төбелес шығарды. Нәтижесінде полицейлер 20 адамды ұстады, - деп хабарлайды Tengrinews.kz тілшісі otyrar.kz сайтына сілтеме жасап.

"102" пультіне Уәлиханов көшесіндегі "Прага" дәмханасы маңында ер адамдар төбелесіп жатыр деген хабар келіп түскен. Оқиға орнына дереу патрульдік полиция қызметкерлері мен жедел-тергеу тобы жеткен.

Төбелес "Ордабасы" мен "Ақтөбе" футбол командаларының жанкүйерлері арасында болғаны анықталды.

Әзірге полицияға 20 адам жеткізілді. Полицейлер оқиғаның мән-жайын анықтап жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!