Шымкентте есінен айырылған тұрғынның таныстары іздестіріліп жатыр

Шымкентте №1 қалалық клиникалық ауруханада есінен айырылған ер адамның туыстары мен жақындары іздестіріліп жатыр, - деп хабарлайды Tengrinews.kz тілшісі Otyrar.kz сайтына сілтеме жасап.

Дәрігерлердің айтуынша, науқас Отырар ықшамауданынан жеткізілген, ол №60 үй маңында жатқан. Куәгерлердің айтуынша, ер адам құлап, басын соққан, содан кейін есінен танып қалған. Оқиға куәгерлері жедел жәрдем шақырған.

Науқас қабылдау бөліміне жеткізіліп, тексеруден кейін жедел түрде жансақтау бөліміне ауыстырылған.

Ер адам 25-30 жас шамасында. Бойы ұзын, орта денелі. Ер адам аты-жөнін білмейді, сөйлей алмайды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!