СҚО-да жаңа туған сәбидің мәйіті табылды

Солтүстік Қазақстан облысында жаңа туған сәбидің мәйіті табылды,- деп хабарлайды Polisia.kz.

25 ақпанда Солтүстік Қазақстан облысы Обуховка ауылында жаңа туған сәбидің өлімі анықталғаны туралы телефон хабарламасы келіп түскен.

"Оқиға болған жерді тексеру барысында үй-жайдан жасырын салынған пакетте зорлықпен өлтірілген қыздың мәйітін тапты. Іс сотқа дейінгі тергеп-тексерудің бірыңғай тізіміне Қылмыстық кодекстің 100-бабы ("Жаңа туған баланы анасының өлтіруі") бойынша тіркелген. Күдікті Обуховка ауылының 1992 жылы туған тұрғыны екені анықталды. Ол аудандық ауруханаға жатқызылды", - делінген хабарламада.

Қайтыс болу себептерін анықтау үшін жаңа туған баланың мәйіті сот-медициналық сараптамаға жіберілді.