ШҚО-да бір ай бұрын суға кеткен жасөспірімнің денесі табылды

Өскеменде бір ай бұрын суға кеткен 14 жастағы жасөспірімнің денесін тапты, - деп хабарлайды YK-news.kz ШҚО ТЖД баспасөз қызметінің өкілдеріне сілтеме жасап. 

Оқиға 6 маусымда болған. Түстен кейінгі уақытта 14-15 жастағы үш бала қала орталығында өзеннің жағасында ойнап жүрген. Олардың екеуі шомылғысы келіп, 14 жастағысы ағып кетіп, өз бетінше жағаға жете алмай қалды. Ол көпірден асып кеткенде достары оны жоғалтып алған. Оқиға орнына құтқарушылар мен полицейлер келіп, жоғалған баланы іздестіру жұмыстарын бастаған еді. 

"Құтқарушылар әлі іздеп жатыр, бірақ таппады", - деп хабарлаған болатын ШҚО ТЖД баспасөз хатшысы Анастасия Скляр.