ШҚО-да жұмыстан шығарылғанын естіген сот қызметкері сірке суын ішкен

Шығыс Қазақстан облысының Тарбағатай аудандық сотының қызметкері жұмыстан шығарылғанын естіп, жұмыс орнында өз-өзіне қол жұмсамақ болды, - деп хабарлайды Tengrinews.kz тілшісі.

ШҚО ІІД-нің мәліметінше, оқиға сот мекемесі орналасқан Ақсуат ауылында болған. Алдын ала мәліметтер бойынша, 30 жастағы сот жасауылы жұмыс орнында сірке суын ішкен. Ауыр халде уланған оны Орталық ауруханаға жеткізген, сол жерде оның іш құрылысын тазалаған. Қазіргі уақытта ауруханадағылар оның денсаулығына ешқандай қатер төніп тұрмағанын айтады, ол өзіне не болғанын айтудан бас тартып, ауруханада жатудан бас тартты. 

Құқық қорғау органдарында, өз-өзіне қол салмақ болғанға дейін оған аудандық соттан көп мәрте жұмыстан себепсіз қалғаны үшін жұмыстан босату туралы хабарлама жіберген.