Су-27 жойғышының Талдықорған маңында апатқа ұшырауы дерегі бойынша сотқа дейінгі тергеу басталды

ҚР қорғаныс министрлігіндегілер Талдықорған маңында Су-27 ұшағының апатқа ұшырауына қатысты түсінік берді, - деп хабарлайды Tengrinews.kz тілшісі ведомствоның хабарламасына сілтеме жасап.

"Қазіргі уақытта Су-27 ұшқышы Әділбек Ысқақов әскери ауруханада жатыр. Дәрігерлердің айтуынша, оның жағдайы қанағаттанарлық, еш жері сынбаған", - деді ҚР Қорғаныс министрлігінің өкілдері.

Еске сала кетейік, кеше, 21 желтоқсанда Су-27 жойғыш ұшағы апатқа ұшыраған болатын. "Бүгін, 21 желтоқсанда түн жағдайында оқу-жаттығу ұшуын орындау кезінде авиациялық оқиғаның салдарынан Су-27 ұшағы апатқа ұшырады. Ұшқыш майор Ә.Ысқақов бар мүмкіндігін салды және ұшақты елді мекеннен алшақ алып кетіп, катапульталанды", - делінген еді министрліктің ресми пікірінде.