+7 (777) 001 44 99
Қазақша
Русский
English
13 сәуір 2022 | 09:13
"Сұмдық. Әкімдік қайда қарап отыр?" Алматыдағы зират қоқыс алаңына айналған
Іле ауданы Өтеген батыр ауылының Instagram-парақшасында жергілікті зират маңындағы қоқыс, бұтақтар және құрылыс материалының видеосы жарияланды, - деп хабарлайды Tengrinews.kz тілшісі.
ПОДЕЛИТЬСЯ
Іле ауданы Өтеген батыр ауылының Instagram-парақшасында жергілікті зират маңындағы қоқыс, бұтақтар және құрылыс материалының видеосы жарияланды, - деп хабарлайды Tengrinews.kz тілшісі.
Кадрларға қарағанда, бұл - мұсылман зираты. Аумақтың айналасына темір қоршаулар орнатылған, бірақ бұл тәртіпбұзушыларға кедергі келтірмейді. Олар барлық қоқысты дәл кіреберіске тастап кеткен. Үйінді арасынан әртүрлі қорапты, сыра құмыраларын, басқа да құрылыс қалдықтарын көруге болады.
"Міне, зиратта осындай қоқыс бар. Осындай заттар жатыр. Бұл сұмдық. Әкімдік қайда қарап отыр? Барлық құзырлы орган қайда қарайды?", - дейді видеодағы ер адам.
Әкімдік қайда қарап отырғаны, зираттағы қоқысқа кім жауап беретіні әзірге белгісіз. Іле ауданы әкімінің баспасөз қызметі өкілі бұл оқиғаға жағымсыз жауап берді.
"Тұрғындар қоқысты неге онда тастайтынын өздерінен сұрау керек. Жерден жеті қоян тапқандай осыдан жаңалық жасайсыздар. Тазалаймыз", - деп жауап берді Іле ауданы әкімінің баспасөз хатшысы Бақтияр Талғатұлы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
