Шымкентте Gelandewagen мінген жігіттердің видеосы пайда болды

Шымкентте Gelandewagen мініп, жол  жүру ережесін бұзған жігіттердің видеосы пайда болды, - деп хабарлайды Tengrinews.kz тілшісі.

Қозғалыс кезінде бірнеше жігіт Mercedes Gelandewagen жол талғамайтын көліктен басын шығарған. Видеода, қара түсті Mercedes автомобилі жол бойымен арлы берлі қатты жылдамдықпен жүргені түсірілген. Видео Instagram желісінде жарияланды. Пікірлер саны жетіп артылады. 

Біреулер көшелердің Түркістан қаласындағы жолдарға ұқсайтынын айтса, тағы біреулер бұл жағдайдың Шымкент маңында болғанын жазған. Түркістан облыстық ІІД өкілдері бұл жағдайдың Шымкент көшелерінде болғанын мәлімдеді. Қалалық ІІД полицейлері видеоны тексеріп жатқандарын мәлімдеді.