Шымкентте үш адам газдан уланып қайтыс болды

Шымкентте ер адам, әйел және бала қайтыс болды. Оқиға 23 қарашада кешкі уақытта Таскен елдімекенінде болды, - деп хабарлайды "Отырар".  

Алдын ала мәлімет бойынша, жеке тұрғын үйде газдың иісінен уланған үш адам қаза тапты - 1976 жылғы ер адам, 1983 жылғы әйел және бес жасар бала.

Оқиға орнына келген газ шаруашылығының апат жағдайында әрекет етуші мамандары үйде қолдан орнатылған пеш барын анықтаған. Үйдің мұржасын газ мөлшерін анықтау үшін газонализатор концентрациямен тексеру барысында улы зат анықталмаған.  

Адамдардың қайтыс болуына байланысты сот медициналық сараптама тағайындалды.