Шымкенттегі түнгі клубтардың бірінде өрт шықты

Шымкент қаласындағы Дінмұхамед Қонаев даңғылының бойында орналасқан "Лео Клаб" ойын-сауық орталығының шатырын жалын шарпыды, - деп хабарлайды Оtyrar.kz.

Күндізгі 12:00 шамасында тұтанған өртті сөндіруге бес арнайы техника жұмылдырылған. Өрт аумағы - 50 шаршы метр.

Өрт салдарынан ғимараттың шатырын бұзуға тура келген. Абырой болғанда, адам шығыны жоқ. Тілсіз жаудың неден тұтанғаны анықталып жатыр. Клубтың шатырынан шыққан түтінді алдымен көршілер көрген. Куәгерлердің айтуынша, шатырдан будақтап шыққан түтінді алдымен көрші ғимараттағы қызметкерлер байқаған.